Enski landsliðsmaðurinn Marc Guehi er ofarlega á óskalista Newcastle United. Eddie Howe, þjálfari liðsins, telur að það vera forgangsatriði fyrir félagið að sækja hafsent fyrir tímabilið. Hann segir að Guehi sé akkúrat rétti maðurinn fyrir hann; hafsent sem spilar hægra meginn í vörninni en getur einnig spilað vinstra meginn.
Guehi hefur verið orðaður við mörg stórlið í sumar. Þar á meðal Arsenal og Liverpool.
Varnarmaðurinn er samningsbundinn Crystal Palace en hann á tvö ár eftir af samningnum sínum hjá Örnunum. Hann spilaði einnig stóra rullu í Enska landsliðinu á Evrópumótinu í sumar sem lenti í 2. sæti.
Verðmiðinn gæti verið talsvert hár á Guehi þar sem hann hefur spilað mjög vel í seinustu félags- og landsleikjum. Líkt og kom fram hér áður á hann einnig tvö ár eftir af samningnum sínum sem hjálpar Newcastle ekkert.
Newcastle United enduðu í 7. sæti í Ensku Úrvalsdeildinni á seinasta tímabili en komust ekki upp úr riðlinum sínum í Meistaradeildinni. Núna spila þeir ekki neinni Evrópukeppni í vetur en það verður fróðlegt að fylgjast með spilamennsku liðsins í byrjun móts.
Fyrsti deildarleikur Newcastle er gegn Southampton á St. James Park þann 17. ágúst. Það eru talsverðar líkur á því að Marc Guehi verði orðinn leikmaður Newcastle fyrir þann leik.
