Mynd úr tapleik Súdan gegn Alsír í riðlakeppninni.
Stríðshrjáð Afríkuþjóð Súdan mun vera með í 16-liða úrslitum Afríkukeppninnar sem fer fram í Marokkó um þessar mundir.
Súdan komst upp úr E-riðli með 3 stig úr jafn mörgum umferðum, án þess að skora eitt einasta mark.
Eini sigurleikur Súdan kom gegn Miðbaugs-Gíneu, en þar var það Saúl Coco varnarmaður Torino sem skoraði eina mark leiksins í eigið net.
Hinir tveir leikirnir töpuðust gegn Alsír og Búrkína Fasó, sem fara einnig upp úr riðlinum.
Þetta er í fyrsta sinn í sögunni sem landslið kemst upp úr riðli í Afríkukeppninni án þess að skora mark.
Súdan mætir fótboltaþjóð Senegal í 16-liða úrslitum og getur búist við gífurlega erfiðum leik.
Athugasemdir
