Lestu um leikinn: ÍA 2 -  0 Keflavík

Skagamenn gerðu bæði mörk sín í fyrri hálfleik. Gísli Laxdal Unnarsson skoraði mörkin. Liðið var með vindinn með sér í fyrri og náði svo að halda fengnum hlut í þeim síðari.

ÍA mætir Víkingum eða Vestra í úrslitum en þetta verður fyrsti úrslitaleikur liðsins síðan árið 2003 er liðið vann FH, 1-0.

„Þetta gekk nákvæmlega upp eins og við vildum og lögðum upp. Við ætluðum að vera aggresífir í byrjun leiks og keyra vel á þá. Gummi Tyrfings og Gísli Laxdal voru gjörsamlega geggjaðir, Viktor pressaði vel fyrir okkur og Ísak og Steinar á miðjunni. Sóknarlega vorum við mjög flottir í fyrri hálfleiknum."

„Við náðum að setja þessi tvö mörk. Við fórum passífari inn í seinni hálfleikinn en byrjunin á leiknum gjörsamlega sturluð og gaman að sjá gæðin í þessum strákum. Viljinn, vinnusemin og karakterinn líka, er gríðarlega stoltur af þessum strákum."

„Æðislegt fyrir stuðningsmennina okkar og við gleðjumst yfir því saman að vera að fara inn í bikarúrslit. Þetta var geggjaður dagur, geggjaður dagur í Keflavík um daginn, geggjaður dagur á móti Fylki og nú erum við komin í bikarúrslit og við getum glaðst saman yfir þessu. Þetta verður geggjaður dagur fyrir okkur að fara í Laugardalinn."

„Það væri gaman að spila við félaga minn, Jón Þór, og þá í Vestra, það væri geggjað. Bikarúrslit eru alltaf bikarúrslit. Það verður gríðarlega erfiður leikur en ég er búin að segja það áður að við erum ekkert að koma okkur í gegnum undanúrslitin til að vera sáttir með það. Við ætlum í Laugardalinn og vinna bikar, það er það sem við ætlum að gera," sagði Jói Kalli í lokin.