Manchester United tapaði fyrir Bournemouth í ensku úrvalsdeildinni í dag og eru lærisveinar Ole Gunnar Solskjær aðeins með 13 stig eftir 11 fyrstu umferðir tímabilsins.
Það er versta byrjun Man Utd á deildartímabili síðan 1986, þegar liðið var aðeins með 11 stig eftir 11 umferðir. Það tímabil enduðu Rauðu djöflarnir í 11. sæti, með 63 stig úr 42 leikjum.
Eftir þessa slæmu byrjun var Sir Alex Ferguson ráðinn í nóvember 1986. Hann tók við af Ron Atkinson, sem hafði verið í starfinu í rúmlega fimm ár.
Það er spurning hversu langan tíma Solskjær fær við stjórnvöl Man Utd en hann skrifaði undir þriggja ára samning, sem gildir út júní 2022, fyrr á árinu.
13 - Manchester United's haul of 13 points from 11 Premier League games this season is their lowest at this stage of a top-flight campaign since 1986-87 (11). Crestfallen. #BOUMUN
— OptaJoe (@OptaJoe) November 2, 2019
Athugasemdir