Middlesbrough er búið að tryggja sér Patrick Roberts og Lukas Nmecha á lánssamningi út tímabilið.

Roberts, sem er 22 ára kantmaður, varði fyrra hluta tímabilsins á lánssamningi hjá Norwich en kom aðeins við sögu í þremur úrvalsdeildarleikjum.

Hann mun ljúka tímabilinu í Championship deildinni þar sem Middlesbrough er búið að vinna fjóra leiki í röð og er átta stigum frá umspilsbaráttunni.

Roberts lék með Fulham í Championship deildinni 2014-15 og hefur síðan þá spilað fyrir Celtic og Girona á láni. Hjá Celtic gerði Roberts fína hluti og skoraði 15 deildarmörk í 55 leikjum.

Samningur Roberts við Man City rennur út sumarið 2022. Roberts er enskur og gerði 18 mörk í 40 leikjum fyrir U17-U20 lið Englands.

Nmecha er 21 árs framherji sem fékk ekki mikið af tækifærum á láni hjá Wolfsburg á fyrri hluta tímabils.

Nmecha er fæddur í Þýskalandi en flutti ungur til Englands og því gjaldgengur með báðum landsliðum.

Hann á 31 leik að baki fyrir yngri landslið Englands en skipti yfir til Þýskalands í fyrra og spilaði 8 leiki fyrir U21 liðið.

Nmecha hefur reynslu úr Championship deildinni eftir að hafa verið fastamaður í liði Preston North End á síðustu leiktíð. Hann skoraði 3 mörk í 41 leik.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit