Manchester United heimsækir Kasakstan fimmtudaginn 28. nóvember til að spila við FC Astana í riðlakeppni Evrópudeildarinnar.
Hluti stuðningsmanna Rauðu djöflanna sem ætlaði að gera sér ferð til Kasakstan lenti illa í því þegar ferðafyrirtækið Thomas Cook varð gjaldþrota.
Man Utd hefur tilkynnt að þeir stuðningsmenn sem geti sannað fram á að hafa keypt ferðalag hjá Thomas Cook til Kasakstan fái fría ferð borgaða af félaginu.
Manchester City, Liverpool og Chelsea eru meðal félaga sem voru í samstarfi við Thomas Cook. Gjaldþrotið mun þó ekki hafa áhrif á stuðningsmenn liðanna í næstu leikjum.
Athugasemdir
