Albert Guðmundsson og liðsfélagar hans í Fiorentina voru settir í fjölmiðlabann eftir 1-0 tap gegn Pisa í gær.
Liðið er enn án sigurs í ítölsku deildinni eftir fyrstu tíu leiki tímabilsins. Fiorentina situr nú í 19. sæti deildarinnar með fjögur stig, sem er versta byrjun í sögu liðsins.
Eftir tapið gegn Pisa í gær gaf félagið út yfirlýsingu þar sem greint var frá því að enginn fulltrúi félagsins væri til tals við fjölmiðla eftir leikinn.
Stefano Pioli, þjálfari liðsins, er undir mikilli pressu en hundruðir stuðningsmanna liðsins mótmæltu fyrir utan Stadio Franchi, heimavöll Fiorentina, vegna dapurs gengis Fiorentina.
Þrátt fyrir að hafa ekki unnið leik í deild á tímabilinu hefur Fiorentina unnið báða leiki sína í Sambandsdeildinni.
Landsliðsmaðurinn Albert Guðmundsson er leikmaður Fiorentina en hann hefur spilað átta leiki í deildinni á tímabilinu en hann hefur skorað eitt mark og lagt upp annað.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 11 | 8 | 0 | 3 | 26 | 12 | +14 | 24 |
| 2 | Roma | 11 | 8 | 0 | 3 | 12 | 5 | +7 | 24 |
| 3 | Milan | 11 | 6 | 4 | 1 | 17 | 9 | +8 | 22 |
| 4 | Napoli | 11 | 7 | 1 | 3 | 16 | 10 | +6 | 22 |
| 5 | Bologna | 11 | 6 | 3 | 2 | 18 | 8 | +10 | 21 |
| 6 | Juventus | 11 | 5 | 4 | 2 | 14 | 10 | +4 | 19 |
| 7 | Como | 11 | 4 | 6 | 1 | 12 | 6 | +6 | 18 |
| 8 | Sassuolo | 11 | 5 | 1 | 5 | 14 | 12 | +2 | 16 |
| 9 | Lazio | 11 | 4 | 3 | 4 | 13 | 9 | +4 | 15 |
| 10 | Udinese | 11 | 4 | 3 | 4 | 12 | 17 | -5 | 15 |
| 11 | Cremonese | 11 | 3 | 5 | 3 | 12 | 13 | -1 | 14 |
| 12 | Torino | 11 | 3 | 5 | 3 | 10 | 16 | -6 | 14 |
| 13 | Atalanta | 11 | 2 | 7 | 2 | 13 | 11 | +2 | 13 |
| 14 | Cagliari | 11 | 2 | 4 | 5 | 9 | 14 | -5 | 10 |
| 15 | Lecce | 11 | 2 | 4 | 5 | 8 | 14 | -6 | 10 |
| 16 | Pisa | 11 | 1 | 6 | 4 | 8 | 14 | -6 | 9 |
| 17 | Parma | 11 | 1 | 5 | 5 | 7 | 14 | -7 | 8 |
| 18 | Genoa | 11 | 1 | 4 | 6 | 8 | 16 | -8 | 7 |
| 19 | Verona | 11 | 0 | 6 | 5 | 6 | 16 | -10 | 6 |
| 20 | Fiorentina | 11 | 0 | 5 | 6 | 9 | 18 | -9 | 5 |
