Thomas Frank, danski aðalþjálfari Tottenham Hotspur, var klæddur í íslenska hönnun frá 66°Norður á hliðarlínunni á stórleik liðsins gegn Chelsea í ensku úrvalsdeildinni um helgina.
Tottenham tapaði 0-1 í Lundúnarslagnum og eru liðin jöfn í fjórða og fimmta sæti deildarinnar, með 17 stig eftir 10 umferðir.
Frank hefur oft sést í jökkum og úlpum frá 66°Norður á leikjum í úrvalsdeildinni, bæði sem stjóri Brentford og Tottenham.
Í gær vakti hann athygli þegar hann skartaði svörtum Keilir dúnjakka, sem kom þó ekki í veg fyrir tap. Áður hefur hann meðal annars sést klæðast Öxi og OK jökkunum sem og Dyngju dúnvestinu á hliðarlínunni.
66°Norður er með verslun á Regent Street í London og kemur Frank reglulega í heimsókn þangað. Hann gæti þó hafa fallið fyrir íslenska fatamerkinu þegar hann í bjó í Kaupmannahöfn, þar sem 66°Norður er einnig með verslun.
Athugasemdir
