Jóhann Berg Guðmundsson byrjaði í bikarleik gegn Peterborough en þurfti að fara meiddur af velli í hálfleik í stöðunni 3-1.
Leiknum lauk með 4-2 sigri Burnley og var Sean Dyche sáttur með frammistöðu sinna manna að leikslokum.
„Þetta var fagmannleg frammistaða og sjálfstraust leikmanna skein í gegn," sagði Dyche á fréttamannafundinum og var svo spurður út í skiptinguna á Jóhanni í hálfleik. „Hann þurfti að koma útaf.
„Við vorum góðir á boltanum og mér fannst Aaron Lennon sérstaklega góður. Hart gerði vel þó hann hafi fengið tvö mörk á sig, bæði mörkin komu útfrá mistökum frá öðrum stöðum á vellinum."
Meiðsli Jóhanns eru á vöðva aftan í læri en hann hefur verið frá undanfarna mánuði vegna sömu meiðsla. Alvarleiki meiðslanna mun koma í ljós á næstu dögum.
Athugasemdir