Besta deild kvenna er farin aftur af stað eftir EM frí en Valur tók á móti Þór/KA á Hlíðarenda í kvöld.
Landsliðskonurnar Sandra Sigurðardóttir og Elísa Viðarsdóttir voru í byrjunarliði Vals en Elín Metta Jensen kom inná sem varamaður.
Heimakonur byrjuðu leikinn af krafti, Þórdís Hrönn Sigfúsdóttir kom Val yfir strax á fjórðu mínútu eftir frábæran undirbúning hjá Láru Kristínu Pedersen.
Bryndís Arna Níelsdóttir tvöfaldaði forystuna á tíundu mínútu. ,,Hún setur boltann bara þægilega yfir Hörpu sem leit ekkert sérstaklega vel út þarna." Skrifaði Guðmundur Aðalsteinn í textalýsingu leiksins.
Leikmenn Þór/KA komust lítið í takt við leikinn og Þórdís Hrönn Sigfúsdóttir gulltryggði sigurinn eftir frábæran undirbúning Elínar Mettu. 3-0 lokatölur.
Selfoss og ÍBV áttust við á Selfossi. Mikið jafnræði var með liðunum í leiknum en Selfoss gat með sigri jafnað ÍBV að stigum. Hvorugu liðinu tókst að skora og markalaust jafntefli staðreynd.
Það vakti athygli að Hólmfríður Magnúsdóttir kom inná sem varamaður í liði Selfoss en hún hafði lagt skóna á hilluna í fyrra þar sem hún átti von á barni.
Valur 3 - 0 Þór/KA
1-0 Þórdís Hrönn Sigfúsdóttir ('4)
2-0 Bryndís Arna Níelsdóttir ('10)
3-0 Þórdís Hrönn Sigfúsdóttir ('77)
Selfoss 0-0 ÍBV
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |