Fótbolti.net

Boltinn fór að rúlla eftir að samningnum var rift - „Mjög óraunverulegt að ég sé að fara út"

Berglind tekur ákvörðun á næstu vikum - „Það er bara fifty-fifty"

Hefði verið mjög erfitt að hafna Betu - „Langar að vinna sænsku deildina"

„Sagði þá að ég myndi alltaf koma aftur í þjálfun á réttum tímapunkti"

Vill vinna titla í Garðabæ - „Eftir þessar samræður tók ég þessa erfiðu ákvörðun"

Sindri talar mjög opinskátt um stöðuna í Keflavík: Tel það vera peningavandamál sem er mjög súrt

Birgir Baldvins: Erfitt að segja nei við einn stærsta klúbb á Íslandi

Loksins kominn á góðan stað - „Búið að reyna hrikalega á andlega"

Fékk gott spark í rassinn á lærdómsríku tímabili - „Ótrúlega góð viðurkenning"

Venni vildi vera skipstjórinn - „Ég á nógan tíma"

Heimir: Man ekki eftir því að ég hafi lent í þessu áður

Davíð: Sameiginleg ákvörðun með Eiði að halda samstarfi ekki áfram

Stolt og sátt með endurkomuna - „Ein besta ráðning sem Þór/KA gat gert"

„Veit ekki hvernig Þór ætlaði að lifa af næstu 2-3 árin ef við hefðum ekki gert það"

Barðist fyrir að fá að fara en þrjóskir stjórnarmenn tóku það ekki í mál - „Sjáum ekki eftir því í dag"

Adam Örn: Væri fínt að fá já eða nei frá Breiðabliki

Fékk nóg af lánaflakkinu og valdi milli tveggja liða - „Alvöru hausverkur"

Oliver á leiðinni aftur til Norrköping - „Alltaf beðið eftir þessari upplifun"

Valdi á milli liðanna sem fara í Evrópu - „Ég set allavega yfir tíu"

Fann að tíminn var kominn - „Hætt að vera jafngaman og þetta á að vera"

sun 04. september 2022 21:30

@brynjarerluson

Brynjar Ingi Erluson

„Þurfum að eiga toppleik til að ná í úrslit sem okkur vantar og dreymir um"

Mynd: Fótbolti.net - Hafliði Breiðfjörð

„Já, við erum mjög spenntar að byrja undirbúning og klárlega algjör úrslitaleikur. Mikilvægur leikur fyrir okkur þannig við erum bara spenntar," sagði Glódís Perla Viggósdóttir, miðvörður íslenska landsliðsins, í viðtali við Fótbolta.net í dag en liðið undirbýr sig af krafti fyrir algjöran úrslitaleik við Holland um sæti á HM.

Ísland er í toppsæti riðilsins með 18 stig, einu stigi meira en Holland.

Liðin eigast við í Utrecht á þriðjudag en Íslandi dugir eitt stig til að komast beint á HM. Það yrði þá í fyrsta sinn í sögunni sem kvennalandsliðið færi á mótið, sem er haldið í Ástralíu og Nýja-Sjálandi á næsta ári.

Þegar rætt var við Glódís í dag var ekki búið að vera yfir andstæðinginn en segir að leikmennirnir þekkja þó liðið vel, enda eitt það besta í heiminum.

„Í rauninni ekki mikið. Við erum ekki búnar að tala um þær ennþá en ég veit að þetta er frábært lið. Þær hafa verið að ná árangri í öllum stórmótum fram að EM og eru með mikið af góðum leikmönnum og einstaklingum sem eru mjög góðir þannig við þurfum að eiga toppleik til að ná úrslitum á þriðjudaginn en samt sem áður gríðarlega spennt fyrir þessu verkefni og mér finnst liðið okkar á góðum stað líka."

Stelpurnar vita að það dugir þeim stig úr þessum leik en þær vilja ekki fara með þá hugsun inn í leikinn.

„Ég veit það ekki. Ég ætla ekki að fara með það núna og maður fer aldrei inn í leik til að gera jafntefli. Við förum inn í þennan leik til að vinna hann, spila vel og vera með góða frammistöðu en það fer eftir hvernig spilast og gengur. Við munum alltaf hafa það bakvið eyrað að það dugar okkur eitt stig."

„Nei, það væri algjör draumur að klára þetta á þriðjudaginn en samt sem áður erum við að fara að spila á móti liði sem er á þriðja sæti heimslistans eða eitthvað svoleiðis. Þannig við erum ekki að fara í auðvelt verkefni, langt í frá. Þetta verður hörkuleikur og þurfum að eiga toppleik til að ná í úrslit sem okkur vantar og dreymir um."

Varnarleikurinn verður mikilvægur eins og svo oft áður en nú er allt undir.

„Við verjumst alltaf sem ein heild en örugglega extra mikill fókus á það á þriðjudaginn. Ef við fáum ekki á okkur mark þá förum við áfram, þannig varnarleikurinn verður mjög mikilvægur."

Landsliðið gerði þrjú jafntefli á EM í sumar en komst ekki upp úr riðlinum. Í lokaleiknum náði liðið 1-1 jafntefli við Frakkland, sem er ein sterkasta þjóð heims, en nú tekur við annað stórt próf.

„Þetta er alltaf fótbolti en við vorum að spila þrjá mikilvæga leiki á EM í sumar og náðum ekki alveg þeim úrslitum sem við vildum en samt sem áður taplausar. Þetta er gott próf fyrir okkur og vonum við náum við þeirri frammistöðu og úrslitum sem við viljum fá," sagði hún í lokin.

Athugasemdir

Nýjustu fréttirnar