Trent Alexander-Arnold.
Trent Alexander-Arnold, bakvörður Liverpool, segir að það kveiki eld undir sér að sjá Manchester United standa sig vel.
Man Utd hefur verið eitt heitasta lið Evrópu upp á síðkastið en erkifjendur - United og Liverpool - eigast við í ensku úrvalsdeildinni í dag. Fyrir leikinn er Man Utd tíu stigum á undan Liverpool.
Man Utd hefur verið eitt heitasta lið Evrópu upp á síðkastið en erkifjendur - United og Liverpool - eigast við í ensku úrvalsdeildinni í dag. Fyrir leikinn er Man Utd tíu stigum á undan Liverpool.
Fyrir viku síðan vann Man Utd sigur á Newcastle í enska deildabikarnum. Alexander-Arnold, sem hefur átt erfitt uppdráttar á tímabilinu, horfði á leikinn gegn Newcastle en slökkti um leið og leiknum var lokið.
„Ég horfði á leikinn en um leið og þeir voru að gera sig tilbúna í að lyfta bikarnum þá slökkti ég," sagði Alexander-Arnold við Telegraph.
„Það er sárt að sjá þá lyfta bikarnum. Það er klárlega sárt fyrir okkur."
Liverpool vann deildabikarinn á síðustu leiktíð, en núna skiptir öllu máli fyrir félagið að enda í topp fjórum - að ná Meistaradeildarsæti. „Ég get ekki ímyndað mér að vera ekki í Meistaradeildinni," sagði bakvörðurinn sem verður í eldlínunni klukkan 16:30 í dag.
Athugasemdir
