Hasselbaink og Eiður Smári Guðjohnen léku saman hjá Chelsea.
Jimmy Floyd Hasselbaink, fyrrum leikmaður Chelsea, hefur sagt upp störfum sem stjóri Burton Albion samkvæmt heimildum SKy Sports.
Burton er í ensku C-deildinni, League One, og hefur byrjað tímabilið illa. Liðið er með eitt stig eftir sjö leiki og tapaði um helgina gegn Oxford.
Burton er í ensku C-deildinni, League One, og hefur byrjað tímabilið illa. Liðið er með eitt stig eftir sjö leiki og tapaði um helgina gegn Oxford.
Hasselbaink tók við Burton í annað sinn á ferlinum á síðasta ári en hann stýrði liðinu líka á árunum 2014-215 áður en hann var fenginn til QPR.
Hasselbaink er fimmtugur Hollendingur sem á ferlinum lék m.a. með AZ, Boavista, Leeds, Atletico Madrid, Chelsea og Middlesbrough á sínum ferli.
Hann hóf þjálfararferilinn sem aðstoðarstjóri hjá Nottingham Forest árið 2011 og hefur síðan stýrt Royal Antwerp, Burton, QPR og Northampton.
Athugasemdir
