Með sigri Víkings gegn Val í kvöld varð það endanlega ljóst að Hlíðarendaliðið á ekki möguleika á því lengur að hreppa Evrópusæti. Það er því staðfest að KA verður fulltrúi Íslands í Evrópu ásamt bikarmeisturum Víkings og toppliði Breiðabliks.
Á Íslandsmótinu á næsta ári verður svo keppt að nýju um fjögur Evrópusæti en árangur íslenskra liða í ár gerði það að verkum að Ísland endurheimti fjórða Evrópusætið.
KA verður með lágmarksfjölda stiga sem íslenskt lið getur haft á styrkleikalista áður en dregið verður í undankeppni Sambandsdeildarinnar eins og Sindri Sverrisson, blaðamaður á Vísi, fjallaði um í grein á dögunum.
Þetta er vegna þess að á styrkleikalistanum er horft til árangurs liðanna síðustu fimm leiktíðir. Karlalið KA hefur ekki spilað í Evrópukeppni í tæpa tvo áratugi.
KA tryggði sér sæti í Intertoto keppninni sumarið 2003 með því að enda í 4. sæti í Símadeildinni sumarið á undan. Liðið lék gegn FK Sloboda Tuzla frá Bosníu í tveimur leikjum sem báðir enduðu 1-1. Tuzla vann svo í vítaspyrnukeppni.
Á Íslandsmótinu á næsta ári verður svo keppt að nýju um fjögur Evrópusæti en árangur íslenskra liða í ár gerði það að verkum að Ísland endurheimti fjórða Evrópusætið.
KA verður með lágmarksfjölda stiga sem íslenskt lið getur haft á styrkleikalista áður en dregið verður í undankeppni Sambandsdeildarinnar eins og Sindri Sverrisson, blaðamaður á Vísi, fjallaði um í grein á dögunum.
Þetta er vegna þess að á styrkleikalistanum er horft til árangurs liðanna síðustu fimm leiktíðir. Karlalið KA hefur ekki spilað í Evrópukeppni í tæpa tvo áratugi.
KA tryggði sér sæti í Intertoto keppninni sumarið 2003 með því að enda í 4. sæti í Símadeildinni sumarið á undan. Liðið lék gegn FK Sloboda Tuzla frá Bosníu í tveimur leikjum sem báðir enduðu 1-1. Tuzla vann svo í vítaspyrnukeppni.
Ótrúlega stoltur af KA akkurat núna. Skref fyrir skref í rétta átt síðustu ár, félagið allt á réttri leið og nú staðfest að við verðum með 3 lið i Evrópukeppni keppnistímabilið 22-23. Fer skælbrosandi á koddann i kvöld. Veislan byrjar strax á fös og verður fram á næsta ár ⚽️🤾🏽♀️🤾♂️
— saevar petursson (@saevarp) October 5, 2022
Athugasemdir