Hinn 39 ára gamli Zlatan Ibrahimovic er að snúa aftur í sænska landsliðið. Þetta fullyrða sænskir fjölmiðlar.
Ibrahimovic hætti að spila með sænska landsliðinu eftir EM árið 2016. Hann hefur skorað 62 mörk í 112 leikjum fyrir Svíþjóð.
Hann hafði sýnt áhuga á að snúa aftur í landsliðið fyrir Heimsmeistaramótið í Rússlandi árið 2018. Það gerðist hins vegar ekki en Svíþjóð komst í átta liða úrslit mótsins.
Zlatan hefur spilað mjög vel með AC Milan í vetur og nú fullyrða sænskir fjölmiðlar það að hann verði í landsliðshópnum sem verður valinn á næstu dögum fyrir leiki í undankeppni HM.
Svíþjóð mætir Georgíu og Kósóvó og þá spilar liðið einnig æfingaleik gegn Eistlandi í þessum mánuði.
Swedish sources now claim it’s done. Zlatan Ibrahimovic will officially return to the Swedish national team squad that’s announced later this month. He’ll be available for the games against Georgia, Kosovo and Estonia https://t.co/Fxrbx7CQR3
— Siavoush Fallahi (@SiavoushF) March 6, 2021
Athugasemdir