Levante komst yfir í leiknum með marki úr vítaspyrnu, heimamenn voru vægast sagt alls ekki sáttir með vítaspyrnudóminn og vildu meina að brotið hefði átt sér stað fyrir utan teig.

Atvikið var skoðað í VAR og fékk dómarinn í kjölfarið skilaboð um að vítaspyrna væri niðurstaðan.

„Mjög alvarlegir hlutir áttu sér stað í þessum leik, dæmi um það er þegar dæmd er vítaspyrna þegar brotið á sér stað fyrir utan teig," sagði forseti félagsins þegar hann tjáði sig um atvikið. Hann vill að leikurinn verði endurtekinn frá 44. mínútu en það er mínútan í leiknum sem þetta atvik átti sér stað.

Á twitter síðu Leganes voru birtar myndir í gærkvöldi af þessu umrædda atviki, þær má sjá hér að neðan.