Ég hef séð þetta svo oft hjá honum á æfingum, sakna þess að sjá þetta í leikjum.
Rúnari fannst markið hjá Flóka alveg stórglæsilegt.
„Mér er létt, þetta var mjög erfiður leikur, sérstaklega eftir að við komumst í 1-0 því þá tók Stjarnan yfir leikinn," sagði Rúnar Kristinsson, þjálfari KR, eftir sigur í framlengdum leik gegn Stjörnunni í Mjólkurbikarnum í kvöld.
„Það voru einstaka skyndisóknir sem litu álitlega út en okkur vantaði aðeins meiri gæði í sendingu og völlurinn var kannski ekki að hjálpa heldur. Mér fannst Stjarnan ráða betur við það og þeir áttu sannarlega skilið að jafna leikinn."
„Það voru einstaka skyndisóknir sem litu álitlega út en okkur vantaði aðeins meiri gæði í sendingu og völlurinn var kannski ekki að hjálpa heldur. Mér fannst Stjarnan ráða betur við það og þeir áttu sannarlega skilið að jafna leikinn."
Lestu um leikinn: KR 2 - 1 Stjarnan
Jöfnunarmarkið kom á fjórðu mínútu uppbótatíma í lok leiks. Rúnar talar um verðskuldað mark hjá Stjörnunni, en var það samt högg?
„Það var smá högg, það voru þrjár mínútur eftir af sjö mínútna uppbótatíma. Maður hugsaði að við hlytum að sigla þessu heim, en þá slökknar á 1-2 og þeir taka stutt horn. Við erum bara sofandi, menn eru orðnir þreyttir og missa fókus."
„En mér fannst strákarnir ógeðslega flottir í hléinu eftir 90 mínúturnar, maður sá í augunum á þeim hvað þá langaði mikið að komast áfram í keppninni. Ég þurfti ekki að segja neitt sérstaklega mikið, þeir fóru bara og kláruðu þetta, skoruðu mark mjög snemma og mér fannst ekki mikil hætta eftir það."
Kom uppbótatíminn, sjö mínútur, í lok leiks á óvart? „Mér fannst það dálítið mikið, Helgi sagði mér hvernig það kom til. Maður virðir það bara, þeir vita alveg hvað þeir eru að gera, stoppa tímann þegar það eru meiðsli. Við bara sættum okkur við það, ekkert að kvarta eða kveina, við erum með bestu mennina í þessu starfi."
Klafs???
Bæði mörkin hjá KR voru virkilega góð, falleg mörk. Fyrra markið var alveg stórglæsilegt að mati Rúnars og það seinna kom eftir klafs að sögn Rúnars. Undirritaður skaut aðeins á Rúnar með þá greiningu.
„Ég man ekki alveg, smá spil og svo lendir Ægir í einhverju klafsi og nær skoti í gegnum klofið á varnarmanni. Þetta var kærkomið og gaman fyrir Ægi, hann var að vaxa og vaxa inn í leikinn og að hafa þennan kraft í sér í restina að skora þetta mark sýnir hversu öflugur hann er."
„Ég hef séð þetta svo oft hjá honum á æfingum, sakna þess að sjá þetta í leikjum. Maður er með myndatökumann beint fyrir framan nefið á sér og þarf að standa upp til að sjá. Ég sá þetta mjög illa, fannst eins og hann væri einhvern veginn að bögglast með boltann þarna. Ef hann var að sóla þá var þetta eitt af þessum mörkum sem ég hef séð Ægi gera á hverri einustu æfingu," sagði Rúnar léttur.
Í gríðarlegu góðu formi
KR-ingar virtust orkumiklir út alla framlenginguna. „Okkur hefur fundist það þjálfurunum að liðið sé í gríðarlega góðu formi, höfum hlaupið alla leiki ofboðslega vel. Auðvitað hefur komið upp á að við höfum þurft að leggjast til baka því andstæðingurinn hefur verið betri og þrýst okkur til baka. En það hefur ekkert með form að gera. Í dag sjáum við að við eigum nóg eftir og líka síðast í Árbænum."
Eitthvað til að hlakka til
KR fer í Víkina í undanúrslitunum. KR hefur farið þangað undanfarin tvö ár í Mjólkurbikarnum.
„Við erum búnir að fara þar síðustu tvö ár og tapað. Það var ekkert gott lið (að fá) eftir, bara góð lið eftir, topp fjögur úr deildinni á síðasta ári. Það skipti í raun engu hverja við hefðum fengið, það hefði allt orðið erfitt," sagði Rúnar.
KR er í 9. sæti Bestu deildarinnar. Gefur þessi sigur liðinu mikið í deildinni?
„Þetta gefur okkur bara fullt, undanúrslitin eru í júlí og við höfum eitthvað til að hlakka til. Við erum ekkert á góðum stað í deildinni, þurfum að reyna lyfta okkur upp töfluna. Ég held að þetta geti verið gulrót fyrir okkur að bíða eftir fram í júlí og standa okkur vel fram að því," sagði Rúnar.
Hann er í viðtalinu einnig spurður út í Jóhannes Kristinn Bjarnason, þriggja miðvarða kerfið og FInn Tómas Pálmason. Viðtalið má sjá í heild sinni efst.
Athugasemdir
