Kurt Zouma og Michail Antonio voru eðlilega mjög hressir þegar þeir fóru í viðtal út á velli fljótlega eftir sigur West Ham í úrslitum Sambandsdeildarinnar gegn Fiorentina í kvöld.
Said Benraham og Jarrod Bowen skoruðu mörk liðsins í 2-1 sigri en það er ljóst að það verður djammað í Prag í kvöld.
„Við vildum klára þetta fyrir stuðningsmennina og fjölskyldurnar sem komu hingað. Það eru allir ánægðir, tími til að fagna, nú skulum við djamma," sagði Zouma.
Michail Antonio kann víst að plana alvöru partý en hann ætlar að leyfa Tékkunum Tomas Soucek og Vladimir Coufal að sjá um veisluhöldin í kvöld í heimalandinu sínu.
„Já, en við erum með tvo Tékka hérna svo ég verð að kasta þessu yfir á þá í kvöld. Það er sama hvað gerist, þetta verður gaman, svo framarlega sem það verður alkóhól er ég sáttur," sagði Antonio.
