„Við hefðum átt að skapa okkur töluvert fleiri færi. Við vorum óheppnar í seinni hálfleik að setja ekki eitt mark.“ sagði Sigdís Eva Bárðadóttir eftir 2-0 tap Víkinga á Valskonum í dag.
Lestu um leikinn: Víkingur R. 0 - 2 Valur
Þetta var seinasti leikur Sigdísar fyrir Víking í bili en hún er á leiðinni út til Norköpping í Svíþjóð.
„Það er alltaf gaman að spila hérna, það er alltaf hamingja hérna. Það voru tilfinningar að spila í dag, sérstaklega undir lokin. Maður reynir að fela það en þau koma alltaf út.“
Sigdís er ánægð með að taka þetta skref sem hún hefur alltaf viljað gera en hún sé mögulega að gera það áður en hún átti von á.
„Það voru miklar tilfinngar eftir leik eins og ég sagði en þetta er stórt skref sem maður er að taka. Skref sem maður vonaðist til að taka, kannski ekki svona snemma en þetta eru bara blendnar tilfinningar.“
„Ég flyt út sextánda, ég er mjög spennt.“ bæti svo Sigdís við.
Hún hefur fulla trú á að Víkingsliðið muni klára tímabilið vel.
„Ég hef fulla trú á því að þær komi peppaðar inn eftir landsleikjapásuna og klári deildina með stæl.“ sagði Sigdís svo að lokum.
Viðtalið við Sigdísi má sjá í heild sinni í spilaranum hér að ofan.
