Dróni sást fljúga yfir æfingasvæði Bayern Munchen í hádeginu í dag er liðið var að æfa og undirbúa sig fyrir leikinn gegn Chelsea í Meistaradeild Evrópu á morgun.
Þýsku meistararnir voru á sinni síðustu æfingu fyrir leikinn mikilvæga þegar dróninn sást og þurfti að stöðva æfingu liðsins. Lögreglan var kölluð á svæðið í kjölfarið.
Þýsku meistararnir voru á sinni síðustu æfingu fyrir leikinn mikilvæga þegar dróninn sást og þurfti að stöðva æfingu liðsins. Lögreglan var kölluð á svæðið í kjölfarið.
Lögreglan komst að því að fjórir fullorðnir einstaklingar og eitt barn stóðu á bakvið þetta en þýska blaðið Bild sagði að þetta hafi verið „skaðlaust flug".
Lögreglan sá til þess að myndefnið frá drónanum hafi verið eytt samstundis en mennirnir á bak við drónann sögðu að þeir vildu sýna barninu hvernig æfingasvæði Bayern Munchen liti út.
Bayern Munchen og Chelsea mætast á morgun á Allianz Arena kl.19 en fyrri leikur liðanna endaði með 3-0 sigri Bayern.
Athugasemdir