Fótbolti.net

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

Orri um andlega áskorun: Einn af fáum jákvæðum punktum úr þessu

Arnar á keppnisvellinum: Leikstíll sem er ekki allra

Bestur í Mjólkurbikarnum: Vonandi virka markaskórnir í kvöld

Með landsliðið í huga þegar hann færði sig um set - „Kominn í frekar lélega stöðu“

Elías Rafn: Það er draumur allra að spila í Premier League

Þakklátur Arnór loks mættur aftur - „Maður lærir að meta alla litlu hlutina“

Daníel Tristan: Geggjað að fá að spila með honum

Viktor Bjarki: Hef trú á að við getum unnið Frakkland

Lúðvík: Gaman að horfa á þá

Eykur sigurlöngun Hákonar að mæta góðum félaga - „Náðum vel saman“

„Tel mig vera þessi leiðtogi sem fólkið þarf“

Kristall Máni: Fer mér bara vel að vera óþolandi

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

mið 07. september 2022 21:56

Anton Freyr Jónsson

Arnar Gunnlaugs: Minnti menn á að það er kominn ákveðinn standard í klúbbinn

Arnar Gunnlaugsson, þjálfari Víkinga

Mynd: Fótbolti.net - Hafliði Breiðfjörð

„Ótrúleg frammistaða, sigur og svörin eftir síðasta leik. Ég bað um það fyrir leikinn og minnti menn á að það er komin ákveðin standard í klúbbinn og frammistaðan á móti ÍBV var óásættanleg og við þurftum á þessu að halda og átti ég von á 9-0? Nei." voru fyrstu viðbrögð Arnars Gunnlaugssonar þjálfara Víkina eftir 9-0 sigurinn á Leikni í Víkinni í kvöld.

Lestu um leikinn: Víkingur R. 9 - 0 Leiknir R.

„Leiknir byrjaði leikinn mjög vel, settu okkur undir pressu en um leið og við fundum svona smá leið til að leysa hana þá var miklu meiri hreyfing á mönnum, menn vildu fá boltann ólíkt leiknum á móti ÍBV og þá gékk þetta betur."

Staðan í hálfleik var 5-0 fyrir Víkingum og liðið var ekkert að gefa eftir heldur hélt liðið áfram að keyra á Leiknismenn.

„Okkur langaði bara að gera meira, við skulduðum okkur frammistöðu, langaði að gera meira, langaði að skora meira og okkur langaði virkilega að halda hreinu laki líka. Við erum búnir eins og alþjóð veit þá erum við búnir að vera ströggla með að að fá alltof mörg mörk á okkur í sumar. 9-0 eru ótrúleg úrslit."

Pablo Punyed var magnaður inn á miðjunni hjá Víkingum í kvöld og sýndi hann mikilvægi sitt í liðinu en hann var ekki með gegn ÍBV í síðustu umferð vegna leikbanns.

„Já klárlega. Það er mikið talað um Pablo (Punyed) síðan hann kom til okkar, hann er bara búin að vera geggjaður og sýndi það í dag hann er bara lykilmaður í þessu liði og leikmaður sem við megum síst vera án. Hann er okkar hjarta í okkar miðjuspili og karakter líka, lætur finna fyrir sér og ég er hrikalega ánægður með hann í kvöld."

Víkingur Reykjavík er núna níu stigum á eftir toppliði Breiðabliks og var Arnar spurður hvort liðið trúi enþá á þetta en segir hann að það sé ekki raunhæft eins og staðan er í dag.

„Við náttúrlega gefumst aldrei upp á meðan það er enþá von. Það eru enþá einhverjir leikir eftir en við þurfum að fá hjálp öðrum liðum, klárlega. Við erum ekki búnir að gefast upp en þetta er ekki raunhæft eins og staðan er í dag."

Viðtalið í heild má sjá í sjónvarpinu hér að ofan.