Byrjunarlið Víkings og Leiknis: Pablo og Erlingur inn - Tveir fæddir 2008 í hóp hjá Leikni

Arnar Bergmann Gunnlaugsson þjálfari Víkinga gerir þrjár breytingar á sínu liði frá leiknum gegn ÍBV á sunnudaginn. Pablo Punyed og Erlingur Agnarsson sem voru í leikbanni í síðasta leik koma beint inn í liðið. Þá kemur Helgi Guðjónsson einnig inn í liðið. Halldór Smári Sigurðsson, Danijel Dejan Djuric og Arnór Borg Guðjohnsen fá sér sæti á bekknum. Athygli vekur að Logi Tómasson er í byrjunarlliði Víkinga í kvöld en hann fékk rosalegan heilahristing gegn ÍBV. 

Sigurður Höskuldsson þjálfari Leiknis gerir einnig þrjár breytingar á liði sínu frá jafnteflinu gegn FH. Adam Örn Arnarsson, Róbert Quental Árnason og Mikkel Jakobsen koma allir inn í liðið. Brynjar Hlöðversson, Róbert Hauksson og Hjalti Sigurðarson eru allir meiddir og því ekki í leikmannahópi Leiknis í kvöld. Athygli vekur að tveir leikmenn fæddir 2008 eru í hóp hjá Leikni í kvöld en það eru þeir Karan Gurung og Egill Ingi Benediktsson.