,,Þetta er sennilega stærsti leikurinn síðan Frakkar voru 1998 og ævintýrið var gegn Ítalíu þegar 20 þúsund mættust," sagði Jóhann Kristinsson vallarstjóri á Laugardalsvelli við Fótbolta.net í dag en undirbúningur er í fullum gangi á vellinum fyrir umspilsleik Íslands og Króatíu eftir rúma viku.
,,Hann er í toppstandi núna meðan það er ófrosið. Hann er ekki verri núna en fyrir mánuði. Það sem verður alltaf vandamálið hjá okkur er veðrið, vindurinn og frostið. Það er áhættupóstarnir í þessu öllu."
Á morgun verður hitadúkur lagður yfir völlinn en búið er að spreyja járni á grasið til að það verði grænna.
,,Það framkallar græna litin í grasinu. Hann var farinn að missa lit og þetta er þekkt aðferð til að láta grasið njóta sín betur, allt gert fyrir sjónvarp. Grasið verður grænt á föstudaginn og líka um jólin," sagði Jóhann léttur.
,,Við höfum gert þetta áður og þetta er alþekkt. Þetta er alþekkt í þessum heimi hjá þeim sem spila fótbolta utan þess tíma sem er gróand. Þar er þetta gert til að fá grænar flatir."
Hér að ofan má sjá viðtalið í heild sinni.
Athugasemdir
