„Við þurftum á sigri að halda og við þurftum einnig á frammistöðu að halda þar sem strákarnir myndu vilja sækja og skora meira en eitt mark," sagði Solskjær við BT Sport.

„Við hefðum getað skorað miklu fleiri mörk, en við erum ánægðir og það var mikilvægt að ná í stigin."

„Þú býst við því að vinna svona lið á heimavelli. Engin vanvirðing gagnvart Partizan, vegna þess að þeir gáfu okkur erfiðan leik í Serbíu, en á heimavelli þá býstu við að vinna. Við hefðum átt að klára leikinn á fyrstu 10 mínútunum, en að fara 2-0 yfir í hálfleikinn gaf okkur sjálfstraust."

Solskjær segir að stefnan sé núna á að reyna að komast í topp fjóra í ensku úrvalsdeildinni. United mætir Brighton á Old Trafford á sunnudag.

United er fyrir helgina í tíunda sæti ensku úrvalsdeildarinnar með 13 stig, tíu stigum frá Chelsea í fjórða sætinu.

„Það er alltaf gott fyrir leikmennina að skora mörk og fá sjálfstraust. Við vitum hversu mikilvægur sunnudagurinn er vegna þess að við viljum líta upp í efstu fjögur sætin," sagði Ole Gunnar Solskjær.

Sjá einnig:
Rashford: Við viljum vinna riðilinn