Frammistaða Arsenal var ekki uppá marga fiska og MIkel Arteta stjóri liðsins var ekki sáttur.

„Nei, við vorum að stjórna leiknum, við fengum engin færi á okkur fyrr en þeir skora eftir aukaspyrnuna [sem var síðan dæmt af], en ég var ekki sáttur með frammistöðuna," sagði Arteta aðspurður út í frammistöðu liðsins í fyrri hálfleik.

„Í seinni hálfleik reyndum við meira en það voru lélegar sendingar og snertingar á boltann, við náðum ekki að koma boltanum á síðasta þriðjung, svo fengum við lélegt mark á okkur."

Það kom upp vafaatriði í leiknum þar sem Ben Godfrey steig á andlitið á Tomiyasu. Arteta vildi lítið tjá sig um það.

„Ég veit það ekki, þetta var niðurstaðan. Ég er viss um að þetta hafi verið skoðað í VAR. Ég vildi bara meira frá liðinu mínu."-