Guehi til sölu - Everton hafnaði fyrirspurnum í Branthwaite - Wharton falur fyrir 70 milljónir
Samantha: Vildum sýna að við eigum titilinn skilið
Guðni: Hún mun nýtast land og þjóð vel í komandi framtíð
Nik: Fagnaðar dagur fyrir þær í dag
Thelma Karen: Ég þarf að sjá hvað ég ætla að gera
Einar Guðna: Við þurfum að gera betur og lenda ofar
Jóhannes Karl: Þannig er fótbolti
Jói Bjarna: Erum að smella í gang
Haukur Andri: Höfum verið óheppnir með úrslit
Þorsteinn opnar nýjan kafla: Ágætis tímapunktur til að skipta út og gera breytingar
„Vonandi að fólk sjái að maður geti spilað gegn svona leikmönnum“
Ógeðslega erfitt að horfa frá bekknum - „Fannst ég ná að stríða og djöflast í þeim“
Sverrir Ingi um baráttuna við Mateta - „Ógnarsterkur náungi“
Daníel Tristan: Það er miklu erfiðara finnst mér
Stærsta augnablikið á ferlinum til þessa - „Það voru allir trylltir"
Hákon Arnar: Verður áhugavert hvað menn segja núna
Ísak: Höfðum getað vorkennt sjálfum okkur og haldið að þetta væri búið
Elías notaði orð sem Arnar elskar - „Verður líka að kunna það"
Daníel Leó: Þú verður ekki þreyttur þegar það er þannig
Líður vel í Stockport - „Draumur frá því að maður var lítill“
„Aftur sami Eggert Aron sem að fólk þekkir“
   mið 08. janúar 2025 16:41
Guðmundur Aðalsteinn Ásgeirsson
Hákon segir allt risastórt hjá Lille - „Vinur minn vill að ég taki Nunez treyjuna"
Á leið á Anfield með Lille í Meistaradeildinni
Hákon Arnar Haraldsson.
Hákon Arnar Haraldsson.
Mynd: Fótbolti.net - Hafliði Breiðfjörð
Hákon er frábær fótboltamaður.
Hákon er frábær fótboltamaður.
Mynd: Fótbolti.net - Hafliði Breiðfjörð
Hákon stefnir á stóra hluti í framtíðinni en hann dreymir um stórmót og ensku úrvalsdeildina.
Hákon stefnir á stóra hluti í framtíðinni en hann dreymir um stórmót og ensku úrvalsdeildina.
Mynd: Fótbolti.net - Hafliði Breiðfjörð
Landsliðsmaðurinn Hákon Arnar Haraldsson er kominn aftur á fullt eftir meiðsli. Hann endaði síðasta ár af miklum krafti eftir að hafa glímt við erfið meiðsli.

Hákon er gríðarlega hæfileikaríkur leikmaður sem er búinn að finna taktinn í Frakklandi. Stuðningsmenn Lille eru mjög hrifnir af honum og eru einhverjir þeirra á samfélagsmiðlum að líkja honum við Eden Hazard, fyrrum leikmann liðsins.

„Ég er búinn að vera meiðslafrír síðan ég brotnaði í haust. Ég hef verið mjög góður síðan það kláraðist," segir Hákon í viðtali við Ingvar Örn Ákason hjá Livey sem má sjá í spilaranum hér að ofan.

Hákon er á sínu öðru tímabili með Lille og er búinn að venjast lífinu í Frakklandi.

„Þetta er svolítið öðruvísi, maturinn og kúltúrinn. Það er eiginlega enginn hérna sem talar ensku. Maður er búinn að læra þessi helstu orð til að geta farið í búðina og svona. Ég er ekki alveg kominn með frönskuna og veit ekki hvort ég muni nokkurn tímann ná henni. Ég kann flestu orðin í fótboltafrönskunni. Mér finnst þetta fáránlega erfitt tungumál."

Hann segir það mikinn mun á því að vera leikmaður FC Kaupmannahafnar og Lille.

„Þetta er mun stærra hérna, stærri deild. Við förum alltaf á hótel fyrir hvern einasta leik, líka í heimaleikjum. Í FCK mættum við einum og hálfum tíma fyrir leik. Stærðin á öllu hérna, það er allt risastórt og allt til alls," segir Hákon.

Fara á Anfield
Hákon hefur verið að fá gott hlutverk í liði Lille en framundan eru spennandi leikir þar sem hann og hans félagar takast meðal annars á við Liverpool á Anfield. Sá leikur er í Meistaradeildinni þar sem Lille hefur verið að spila vel.

„Þetta er einn erfiðasti útivöllur í heimi og besta lið í Evrópu eins og staðan er núna. Þetta er mjög spennandi og margir af vinum mínum eru einmitt Liverpool menn. Ég veit ekki með hverjum þeir ætla að halda. Það kemur í ljós. Það er mjög spennandi að spila á móti svona stóru félagi."

Hákon segir að vinir sínir séu duglegir að koma í heimsókn og kíkja á leiki. Hann fékk skemmtilega beiðni frá einum vini síni fyrir stuttu.

„Einn vinur minn vill að ég taki (Darwin) Nunez treyjuna þegar ég spila á móti Liverpool. Það gæti alveg verið að ég geri það," sagði Hákon léttur.

Stóra markmiðið
Hákon er lykilmaður í landsliðinu og á sér þann draum að fara með íslenska landsliðinu á stórmót. Næsta verkefni er að reyna að komast á HM 2026 sem fer fram í Bandaríkjunum, Kanada og Mexíkó.

„Frá því maður var lítill þá hefur maður átt sér þann draum að fara með Íslandi á stórmót," segir Hákon.

„Stóra markmiðið er að ná EM eða HM áður en maður hættir."

„Við eigum alltaf að reyna að komast á stórmót, það þýðir ekkert annað. Riðillinn okkar fyrir HM 2026 er gríðarlega erfiður en þetta leggst vel í mig. Auðvitað er markmiðið að fara á mótið."

Í draumaheimi
Hákon hefur að undanförnu verið orðaður við félög í ensku úrvalsdeildinni. Hann var í lokin á viðtalinu spurður að því hvernig hann sæi fyrir sér næstu ár á sínum fótboltaferli.

„Ég á þrjú og hálft ár eftir hér, á nóg eftir hér. Ég á enn eftir að sýna mig meira," sagði Hákon.

„Svo er draumurinn alltaf að fara í Premier League og spila þar. Maður hefur alltaf fylgst með ensku deildinni og það er markmiðið."

Ertu að horfa til einhverra félaga þar?

„Ég veit það ekki. Ég held með Manchester United. Það var alltaf draumurinn þegar maður var krakki. Það er svo margt sem spilar inn í. Maður veit aldrei, en ef maður væri í draumaheimi..." sagði Hákon.

Allt viðtalið má sjá í spilaranum hér að ofan. Hægt er fylgjast með öllum leikjum hjá Hákoni í frönsku deildinni á Livey.is.
Athugasemdir
banner