Fyrirliðinn og Sóley María verða áfram í Laugardal

Álfhildur hefur verið fyrirliði Þróttar undanfarin ár, hún er uppalin hjá félaginu og lék sína fyrstu leiki í efstu deild árið 2015 á fimmtánda aldursári. Álfhildur er djúpur miðjumaður sem lék í ellefu leikjum á síðasta tímabili og skoraði tvö mörk. Hún missti af nokkrum leikjum vegna axlarmeiðsla. Fyrir rúmu ári síðan var hún valin í æfingahóp fyrir U23 landsliðið.

Sóley María Steinarsdóttir, jafnaldra Álfhildar, hefur einnig skrifað undir nýjan samning við félagið. Hún er nú líka samningsbundin út tímabilið 2025.

Sóley er miðvörður sem á að baki 22 yngri landsliðsleiki og einn leik með U23 liðinu á síðasta ári. Á síðasta tímabili lék hún alla átján leiki Þróttar í Bestu deildinni.