Hágrét af gleði eftir að hafa fengið treyju Mason Mount

Ung stelpa grét af gleði þegar Mason Mount lét hana fá treyjuna sína eftir sigur Englands gegn Danmörku á EM alls staðar í gær.

Þessi hæfileikaríki miðjumaður fór að stúkunni og benti á stelpuna, sem var ásamt föður sínum, áður en hann lét hana fá treyjuna.

Gleðin var ósvikin hjá stelpunni eins og sjá má í myndbandinu hér að neðan.

Hún var meðal 60 þúsund áhorfenda á leiknum og verður vonandi á úrslitaleiknum á sunnudag, þegar England og Ítalía eigast við.