Martin Keown, fyrrum leikmaður Arsenal, segir það öruggara fyrir Arsenal að taka Willian heldur en Philippe Coutinho.
Arsenal er að ganga frá samningum við Willian en hann kemur á frjálsri sölu frá Chelsea.
Talið er að gengið verði frá samnginum á næstu dögum en Arsenal er einnig á eftir Philippe Coutinho.
Coutinho er mættur aftur til Barcelona eftir að hafa verið á láni hjá Bayern München en Börsungar vilja losa sig við brasilíska leikmanninn.
Hann hefur verið orðaður við stærstu liðin í ensku úrvalsdeildinni en Arsenal er sagt líklegast til að fá hann. Keown er þó ekki viss með þau félagaskipti.
„Það er búið að orða Coutinho við næstum því öll liðin í deildinni og ef ég á að vera hreinskilinn þá er hann bara ekki í góðum gír," sagði Keown.
„Það er öruggara að taka Willian. Hann býr í ondon og þekkir ensku úrvalsdeildina mjög vel og spilar alltaf vel. Þetta er mikið tap fyrir Chelsea," sagði hann í lokin.
Athugasemdir
