Fótbolti.net

Ágúst Orri: Langbestu stuðningsmenn á Íslandi

Höskuldur: Ákváðum að bjóða þá velkomna í hakkavélina

„Einsdæmi í Evrópu að vera með alla þessa uppöldu leikmenn"

Rúnar Páll: Frekar rólegur leikur

Árni Marínó: Einhver örvænting þessir boltar hjá þeim

Lárus Orri: Förum ekki á útivöll og óskum eftir því að fá svart gúmmí í gervigrasið

Áhyggjulaus þrátt fyrir tvö töp í röð - „Skagamenn verða að eiga það við sjálfa sig“

Alex Freyr: Viljum enda í topp 6

Jökull: Vorum hægir og fyrirsjáanlegir

Spenntur fyrir nýjum leikmanni sem verður kynntur á morgun

Höskuldur: Verður allt annar leikur hér á Kópavogsvelli

„Búnir að fá æfingu í því í 11 leikjum af 14"

Skoraði sitt fyrsta mark á ferlinum með skoti fyrir aftan miðju

Siggi Hall: Þeir brotnuðu og við gengum á lagið

Haddi eftir 5-0 tap: Svekktir fyrsta klukkutímann á leiðinni heim

Björn Daníel skaut á „gömlu kallana“ í Stúkunni - „Aldrei spilað á svona góðu grasi“

Kjartan Henry: Hlakka til að horfa á leikinn aftur

Gústi Gylfa: Eins og Þorgrímur Þráins sagði, varnarleikur vinnur leiki

„Örugglega það besta sem ég hef séð frá honum síðan ég kom"

Rúnar: Ætlum ekki að fara grenja yfir því að hafa tapað

fim 08. ágúst 2024 22:40

Sverrir Örn Einarsson

Halli Hróðmars: Ég fékk frábær svör

Haraldur Árni Hróðmarsson

Mynd: Fótbolti.net - Hafliði Breiðfjörð

Grindavík þurfti að gera sér að góðu að lúta í gras 2-1 eftir Suðurnesja slag við lið Keflavíkur á HS Orkuvellinum í kvöld. Haraldur Árni Hróðmarsson þjálfari liðsins sem var ómyrkur í máli eftir tap gegn Aftureldingu á dögnum var mættur til viðtals. Hann var ögn léttari á brún í kvöld þrátt fyrir tapið og taldi sig hafa séð jákvæð merki í leik liðsins.

Lestu um leikinn: Keflavík 2 - 1 Grindavík

„Ég fékk frábær svör. Ég er mjög ánægður með liðsframmistöðuna og viðhorf manna. Æfingavikan var góð og viðbragðið gott. Þessir leikmenn leggja allt í þetta og þetta er ekki strákar með slæmt viðhorf eða slíkt. En það er ákveðinn kúltúr sem ég talaði um í síðustu viku sem var imprað á við þá og þeir tóku síðan boltann. Ég er mjög sáttur við svarið og tel að á öðrum degi hefðum við komist héðan með stig að minnsta kosti.“

Eftir þokkalega frammistöðu í fyrri hálfleik þar sem lið Grindavíkur lenti þó undir átti fréttaritari allt eins von á því að lið Grindavíkur myndi brotna við að lenda tveimur mörkum undir. Allt annað kom þó á daginn og átti liðið líklega sínar bestu mínútur eftir það og uppskar mark nokkuð sanngjarnt.

„Já við slepptum aðeins fram af okkur beislinu. Þetta eru tvö svekkjandi mörk sem við fáum á okkur. Fyrst hornspyrna þar sem þeir vinna fyrri skallann og taka síðan frákastið. Seinna markið svo þá erum við einum færri þar sem leikmaður hjá mér er farinn af velli til að skipta um skó og við eigum aukaspyrnu. Í staðinn fyrir það að spila öruggan bolta þá kemur sending upp miðjuna sem var algjörlega ótímabær og aftur skot í stöng og þeir taka frákast.“

„Þetta er augnablik þar sem er mjög auðvelt að byrja að vorkenna sér. Strákarnir gerðu það ekki heldur tóku að mér fannst öll völd á vellinum. Við fáum svo lukkuna með okkur í lið í markinu sem við skorum en við hefðum getað jafnað leikinn og það hefði ekkert verið ósanngjarnt.“

Tapið var það fimmta í röð hjá Grindavík en þar á bæ eru menn þó ekki lagstir í neina vorkunn heldur horfa fram að næsta leik eingöngu.

„Við horfum ekki fimm leiki fram eða aftur í tímann. Við töpuðum í dag en vorum betri í dag heldur en við vorum í síðasta leik. Við ætlum að vera betri í næsta leik heldur en við vorum í þessum leik. Öll liðin í þessari deild eru góð og allir leikir eru erfiðir.“

Sagði Haraldur en allt viðtalið við hann má sjá hér að ofan.