Staðan í undankeppni HM er farin að taka á sig skýrari mynd eftir þetta kvöld. Harry Kane skoraði fallegt mark en Póllandi náði í stig með marki undir lokin.
Í B-riðlinum vann Grikkland lið Svíþjóðar, 2-1. Grikkirnir náðu tveggja marka forystu í leiknum áður en Robin Quaison minnkaði muninn á 80. mínútu. Markið kom of seint og sátu Svíarnir eftir með sárt ennið.
Spánn vann skyldusigur á Kósóvó, 2-0. Pablo Fornals skoraði á 32. mínútu áður en Ferran Torres gulltryggði sigurinn undir lok leiksins.
Spánverjar eru á toppnum með 13 stig og hafa spilað flesta leiki eða sex talsins. Svíþjóð er með 9 stig í öðru sæti eftir fjóra leiki og Grikkland í þriðja sæti með 6 stig eftir jafnmarga leiki.
Moise Kean skoraði tvívegis fyrir Ítalíu sem vann Lithaén 5-0 í C-riðlinum. Norður Írland gerði á meðan markalaust jafntefli við Sviss.
Ítalía er á toppnum með 14 stig en Sviss kemur næst á eftir með 8 stig. Ítalir hafa spilað sex leiki en Sviss aðeins fjóra.
Í E-riðli gerðu Wales og Eistland markalaust jafntefli á meðan Belgía lagði Hvíta-Rússland að velli, 1-0. Dennis Praet gerði sigurmarkið.
Belgía er á toppnum með 16 stig og hársbreidd frá því að tryggja sæti sitt á HM. Tékkland og Wales eru með 7 stig.
Þrír leikir voru í I-riðli. England gerði 1-1 jafntefli við Pólland en Harry Kane skoraði frábært mark fyrir utan teig áður en Damian Szymanski jafnaði undir lokin.
Albanía vann San Marínó 5-0 og þá tókst Ungverjalandi að merja Andorra, 2-1. Riðillinn er afar jafn. England er með 16 stig í efsta sæti, Albanía í öðru með 12 stig, Pólland í þriðja með 11 stig og Ungverjaland með 10 stig í fjórða.
Í riðli Íslands gerðu Norður Makedónía og Rúmenía þá markalaust jafntefli. Rúmenar eru í þriðja sæti með 10 stig.
B-riðill:
Grikkland 2 - 1 Svíþjóð
1-0 Anastasios Bakasetas ('62 )
2-0 Vangelis Pavlidis ('78 )
2-1 Robin Quaison ('80 )
Kósóvó 0 - 2 Spánn
0-1 Pablo Fornals ('32 )
0-2 Ferran Torres ('90 )
C-riðill:
Ítalía 5 - 0 Litháen
1-0 Moise Kean ('11 )
1-1 Edgaras Utkus ('14 , sjálfsmark)
2-1 Giacomo Raspadori ('24 )
3-1 Moise Kean ('29 )
4-1 Giovanni Di Lorenzo ('54 )
Norður Írland 0 - 0 Sviss
E-riðill:
Hvíta Rússland 0 - 1 Belgía
0-1 Dennis Praet ('33 )
Wales 0 - 0 Eistland
I-riðill:
Albanía 5 - 0 San Marínó
1-0 Rei Manaj ('32 )
2-0 Qazim Laci ('58 )
3-0 Armando Broja ('61 )
4-0 Elseid Hysaj ('68 )
5-0 Myrto Uzuni ('80 )
Ungverjalandi 2 - 1 Andorra
1-0 Adam Szalai ('9 , víti)
2-0 Endre Botka ('18 )
2-1 Max Llovera ('82 )
Pólland 1 - 1 England
0-1 Harry Kane ('72 )
1-1 Damian Szymanski ('90 )
J-riðill:
Norður Makedónía 0 - 0 Rúmenía
Athugasemdir