Nú þegar hafa tveir stjórar í ensku úrvalsdeildinni verið reknir þegar septembermánuður er ekki einu sinni hálfnaður. Thomas Tuchel var rekinn frá Chelsea í gær þrátt fyrir að vera með betra sigurhlutfall en Klopp á þessu tímabili.

Klopp var spurður í gær hvort hann óttaðist það að vera rekinn, en þá sagði hann: „Nei, alls ekki."

„Eigendur okkar eru frekar rólegir og þeir búast við því að ég lagi stöðuna frekar en einhver annar."

Klopp er í guðatölu hjá stuðningsfólki Liverpool en hann er núna á sjöunda tímabili sínu hjá félaginu.