Af þessum sökum hafa sóttvarnaraðgerðir á Laugardalsvelli verið hertar enn frekar en áður var ákveðið og til að mynda fá mun færri fréttamenn aðgang að leiknum en til stóð.

Allir starfsmenn þurfa að bera grímu fyrir vitum sínum og þegar við litum við á Laugardalsvelli í gær mátti sjá að það gilti jafnt um hvort fólk væri úr holdi og blóði eða bronsi.

Þannig var styttan af gömlu goðsögninni Alberti Guðmundssyni komin með grímu.

Barnabarnabarn Alberts og alnafni er í leikmannahópi íslenska liðsins sem æfði á Laugardalsvelli í gær.