Viktor Gyökeres.
Gyökeres hefur ekki verið sérlega góður með Arsenal á tímabilinu.
Viktor Gyökeres hefur ekki átt sjö dagana sæla eftir að hann gekk í raðir Arsenal síðastliðið sumar.
Gyökeres raðaði inn mörkum með Sporting Lissabon í Portúgal áður en hann var keyptur til Arsenal fyrir 65 milljónir evra í sumar. Hann hefur hingað til skorað fjögur mörk í 14 leikjum í ensku úrvalsdeildinni en öll mörkin hafa komið gegn liðum sem eru í fallbaráttu.
Gyökeres raðaði inn mörkum með Sporting Lissabon í Portúgal áður en hann var keyptur til Arsenal fyrir 65 milljónir evra í sumar. Hann hefur hingað til skorað fjögur mörk í 14 leikjum í ensku úrvalsdeildinni en öll mörkin hafa komið gegn liðum sem eru í fallbaráttu.
Gyökeres átti að vera lausnin fyrir framherjavandamál Arsenal en miðað við frammistöðuna hingað til er hann engan veginn nægilega góður í það hlutverk. Sumir hafa jafnvel afskrifað hann nú þegar.
„Er hann vandamálið eða er uppleggið vandamálið? Hann snertir varla boltann í leikjunum," sagði Magnús Haukur Harðarson í Enski boltinn hlaðvarpinu.
„Við erum að gleyma því hvernig á að spila upp á níur. Það er kannski vandamálið fyrir hann því mér hefur fundist hann vinna vel og pressa vel."
„Mér finnst hann bara ekki vera með fótboltahæfileikana til að takast á við ensku úrvalsdeildina," greip Guðmundur Aðalsteinn Ásgeirsson þá inn í.
„Mér finnst hann minna mig svolítið á Romelu Lukaku í snertingum og þess háttar, bara ekki eins góður í fótbolta."
„Við sjáum það reyndar að gæinn sem tók við af honum í Portúgal er að skora nánast jafnmikið," sagði Magnús Haukur. „Það tekur líka tíma fyrir leikmenn að aðlagast þessari deild."
Hægt er að hlusta á alla umræðuna í spilaranum hér fyrir neðan.
Athugasemdir
