Albert með gegn Monza

Albert var ónotaður varamaður í 0-3 tapi gegn Napoli á laugardaginn. Hann átti að koma inn á 60. mínútu leiksins en fann fyrir óþægindum í ökkla og var því ekki settur inn.

Albert er á sínu fyrsta tímabili með Fiorentina og hefur skorað þrjú mörk í átta deildarleikjum en hann hefur verið talsvert á meiðslalistanum, með kálfameiðsli og meiðsli aftan í læri.

Annars vakti athygli ítalskra fjölmiðla að Edoardo Bove brá sér í hlutverk dómara þegar leikmenn voru að spila á æfingu Fiorentina í gær. Bove er áfram í kringum liðið þó hann sé ekki kominn aftur af stað eftir að hafa orðið fyrir hjartastoppi í leik gegn Inter.

Bjargráður var græddur í hann. Reglur í ítölsku deildinni segja til um að leikmenn megi ekki spila á ítalíu með bjargráð og því vangaveltur um hvort Bove hafi leikið sinn síðasta leik á Ítalíu.