Arsenal steinlá 3-0 á heimavelli gegn Aston Villa í gær og hefur einungis skorað níu mörk í fyrstu átta umferðunum í ensku úrvalsdeildinni.
Pierre-Emerick Aubameyang, sóknarmaður Arsenal, hefur ekki skorað úr opnum leik síðan gegn Fulham í fyrstu umferð. Ef vítaspyrnan gegn Manchester United er tekin frá er Aubameyang með samanlagt 0.58 mörk í XG í leikjunum átta á tímabilinu sem þýðir að hann er að komast í afar fá góð færi.
Pierre-Emerick Aubameyang, sóknarmaður Arsenal, hefur ekki skorað úr opnum leik síðan gegn Fulham í fyrstu umferð. Ef vítaspyrnan gegn Manchester United er tekin frá er Aubameyang með samanlagt 0.58 mörk í XG í leikjunum átta á tímabilinu sem þýðir að hann er að komast í afar fá góð færi.
„Sóknarleikurinn þeirra er ekkert sérstakur. Bukayo Sako er að fá mikið vægi í 3-4-3 kerfinu þeirra á vinstri vængnum. Mér finnst hann taka frá Aubameyang. Mér hefur fundist Aubameyang vera bestur þegar hann fær boltann vinstra meginn og kemur sjálfur með boltann. Hann er aldrei í þeim stöðum. Hvað höfum við séð hann oft í þeirri stöðu að hann sker inn og setur boltann í fjærhornið? Það er nánast aldrei," sagði Tómas Þór Þórðarson í hlaðvarpsþættinum „Enski boltinn" á Fótbolta.net í dag.
Aubameyang gerði nýjan samning við Arsenal í byrjun tímabils.„Hann þarf líka að líta í eigin barm maðurinn. Frá því að hann fékk seðlana í vasann hefur hann ekki tekið þátt í þessu móti," sagði Tómas.
Bjarni Þór Viðarsson tók undir með Tómasi með að Aubameyang sé ekki að nýtast Arsenal í núverandi leikkerfi.
„Hann er týndur þarna. Honum finnst gott að fá boltann í lappirnar og "kötta" inn. Hann er líka ágætur í að fara aftur fyrir vörninni og bíða í línunni eftir að fá boltann. Hann er ekki í stöðu til þess og það er kominn tími til að Arteta fari aðeins að hugsa þetta upp á nýtt," sagði Bjarni.
Aubameyang’s non-penalty xG this season:
— The xG Philosophy (@xGPhilosophy) November 8, 2020
Fulham - 0.31
West Ham - 0.04
Liverpool - 0.00
Sheffield Utd - 0.05
Man City - 0.00
Leicester - 0.12
Man Utd - 0.06
Aston Villa - 0.00
𝗧𝗼𝘁𝗮𝗹: 𝟬.𝟱𝟴(𝘅𝗚) pic.twitter.com/aVWJPyUaqa
Athugasemdir