Ítalska félagið Lazio heldur enn í vonina um að geta landað Mason Greenwood frá Manchester United. Þetta segir ítalski blaðamaðurinn GIanluca Di Marzio.
Marseille í Frakklandi hefur náð samkomulagi við Manchester United um kaup á Greenwood og er Englendingurinn að ganga frá samningum um kaup og kjör.
Þau félagaskipti eru hins vegar í hættu vegna bakslags frá stuðningsmönnum. Þeir hafa engan áhuga á að fá Greenwood vegna fortíðar hans og hafa þeir kallað eftir því að Marseille hætti við kaupin.
Samkvæmt Di Marzio er Lazio enn í baráttunni en dagurinn í dag verður afar mikilvægur.
Greenwood hefur ekki náð 100 prósent samkomulagi við Marseille og heldur því Lazio í vonina um að geta sannfært hann um að koma til Rómar.
Athugasemdir
