Fótbolti.net

Ray Anthony: Grenjum í kvöld

Maggi: Ákall á Mosfellinga

Brynjar Björn: Það er klárt brot á Óla

Heimir Guðjóns: Hann á skilið freyðivín frá mér

Badu: Ég held að ástæðan sé mun einfaldari en metnaðarleysi

„Þeir skapa nánast ekki færi í fyrri hálfleik, skora samt tvö mörk úr þessum hornum sínum"

Mattías Kjeld: Valur gat ekki lofað mér mínútum

Nenad: Búið að vera töfrasirkús

Jóhann Birnir: Eitthvað kæruleysi hjá öllum

„Þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir"

Borja: Allt of dýrt að fá á sig mörk úr föstum leikatriðum

Gunnar Heiðar: Þetta er erfiðasta fæðing sem ég hef séð

Davíð Smári: Miklar tilfinningar að keyra inn í bæinn

Birnir Snær: Reynir mest á hausinn

Arnór Ingvi: Allt á uppleið í KR og í Vesturbænum

Óskar Hrafn: Ber mikla virðingu fyrir körfu- og handboltaliðum

Hemmi: Ég er grautfúll

Gylfi: Mjög góðir þó að staðan hjá þeim er eins og hún er

Sölvi: Þarf að setja meiri pressu á Kára

Jökull: Stuðningsmennirnir eiga meira skilið

lau 10. ágúst 2024 19:31

Guðmundur Aðalsteinn Ásgeirsson
Kópavogsvelli

Jóhann Kristinn: Hafði leiðinlega mikil áhrif á okkur

Jóhann Kristinn Gunnarsson, þjálfari Þórs/KA.

Mynd: Fótbolti.net - Hafliði Breiðfjörð

„Þetta eru vonbrigði, það er vont að tapa," sagði Jóhann Kristinn Gunnarsson, þjálfari Þórs/KA, eftir 4-2 tap gegn Breiðabliki í Bestu deild kvenna í kvöld.

„Mér fannst okkar stelpur gera margt mjög vel í þessum leik. Það er svekkjandi að vera að koma í annan útileikinn í röð, skora fimm mörk og fá bara eitt stig úr þeim leikjum. Það er svekkjandi."

Lestu um leikinn: Breiðablik 4 - 2 Þór/KA

Þór/KA gerði 3-3 jafntefli við Tindastól í síðasta leik. „Það er nokkuð augljóst hvað er að fara illa með okkur. Breiðablik hafði ekki fengið á sig mörg mörk í deildinni fyrir þennan leik. Hér gerum við tvö en fáum ekkert. Við verðum að herða okkur í því að díla við nokkur atriði leiksins til að fá stig fyrir frammistöðuna okkar."

„Mér fannst við gera margt mjög vel en það er auðvitað líka margt sem þarf að laga. Ég held að þeim hafi ekki liðið rosa vel fyrr en þetta draumamark kemur (þriðja markið). Það rotaði okkur meira en við eigum að leyfa að gerast. Blikaliðið er sigurstranglegt í þessu móti því þær hafa heldur betur breiddina og leikmannahópinn í þetta. Þær eru að gera vel í því sem þær eru að gera."

Hrafnhildur Ása Halldórsdóttir skoraði sannkallað draumamark til að koma Breiðabliki í 3-2 eftir að Þór/KA hafði jafnað tvisvar.

„Þetta var högg. Þetta hafði leiðinlega mikil áhrif á okkur, rotaði okkur aðeins of mikið."

Þór/KA er í þriðja sæti en það er langt í liðin fyrir ofan. Þriðja sætið gefur ekki neitt þannig séð en Þór/KA ætlar sér að halda í það.

„Við ætlum bara að spila þetta á þeim stelpum sem við hófum mótið með. Við gerum eins vel og við getum og ætlum að enda eins ofarlega og við tölfræðilega getum. Í leiðinni erum við að búa í haginn fyrir næsta lið Þórs/KA sem tekur þátt á næsta ári. Vonandi getum við haft kveikt á öllum perum áfram. Þriðja sætið gefur ekki neitt en það væri betri árangur en í fyrra," sagði þjálfari Þórs/KA.