„Þetta er búið að vera helvíti gaman núna sérstaklega seinni hlutann af þessu. Náttúrulega gengið mjög vel hjá okkur. Núna er bara fagnað eftir hvern leik. Tryggðum okkur upp og núna er geggjað að fá bikarinn. Aðeins búnir að svara fyrir ruglið sem var á okkur í fyrra," sagði Ásgeir Eyþórsson, einn af fyrirliðum Fylkis eftir 4-0 sigur á Þrótti Vogum. Með sigrinum varð Fylkir Lengjudeildarmeistari.
Lestu um leikinn: Fylkir 4 - 0 Þróttur V.
„Við lentum í smá vandræðum um mitt mót, vorum að eiga aðeins erfið úrslit en við héldum haus. Við erum náttúrlulega með drullu gott lið, fullt af strákum sem eru búnir að stíga upp."
Fyrr í dag var opinberað að Ásgeir var valinn leikmaður ársins í Lengjudeildinni.
„Ég veit ekki hvaða vitleysingar eru að velja það," sagði Ásgeir brosandi. „Nei þetta er bara búið að vera þannig að ég sé nú ekkert búinn að vera betri en aðrir leikmenn í þessu liði."
Viðtalið í heild sinni má sjá í spilaranum hér að ofan.
