Ten Hag um Martial: Ekki sanngjarnt að benda á einn leikmann
Martial var skipt af velli í gær.
Mynd: EPA
Martial var skipt af velli í gær.
Mynd: EPA
Anthony Martial, framherji Manchester United, átti slæman leik í gær eins og svo margir leikmenn liðsins en United tapaði á heimavelli gegn Bournemouth með þremur mörkum gegn engu.
Martial fékk tækifæri í byrjunarliðinu á kostnað Rasmus Hojlund en margir stuðningsmenn United eru orðnir þreyttir á Frakkanum og skilja það fáir hvers vegna hann er ennþá hjá félaginu.
Martial var ósýnilegur í gær og var Erik ten Hag, stjóri liðsins, spurður út í leikmanninn í viðtali eftir leik.
„Hann hefur klárlega hæfileikana til að spila fyrir okkur, það er ekki sanngjarnt að benda á einn leikmann eftir þessa frammistöðu hjá liðinu. Við brugðumst allir saman, sem lið.”
Tapið í gær þýðir að Man Utd er tíu stigum frá toppnum og enn þremur stigum frá Meistaradeildarsæti. Newcastle, Tottenham og Manchester City eiga þó öll leik til góða á United.
