David Moyes
David Moyes, stjóri West Ham, gat lítið sagt eftir 6-0 niðurlæginguna gegn Arsenal á Ólympíuleikvanginum í Lundúnum í dag.
Arsenal var með öll völd á leiknum og gersamlega keyrði yfir West Ham.
West Ham hefur ekki unnið leik síðan 28. desember, en það var einmitt 2-0 sigur á Arsenal á Emirates.
„Þetta er kannski svolítið heimskuleg spurning. Þetta var ekki góður dagur,“ sagði Moyes er hann var spurður út í 6-0 tapið gegn Arsenal.
„Þeir byrjuðu leikinn frábærlega og það frá fyrstu mínútu. Förum nú samt ekkert að plata okkur, þetta voru ekki bara þessar fimmtán mínútur. Þeir byrjuðu vel og við gerðum það ekki. Ég er ekki vanur því að liðið mitt fái á sig mörk eins og við höfum verið að gera.“
Þetta var í fjórða sinn á tímabilinu sem liðið fær á sig fjögur mörk eða meira í leik, en Moyes á engar skýringar við þessu markaflóði.
„Við höfum enga alvöru ástæðu af hverju þetta ætti að vera að gerast. Við áttum kafla í kringum jólin, þar sem við gerðum sérkennileg jafntefli eða töpuðum naumlega, en af einhverri ástæðu þá virtumst við ekki kunna að verjast í dag.“
„Stundum koma slæmir tímar hjá félögum. Stuðningsmenn West Ham vita það betur en allir aðrir. Ég kom tvisvar hingað þar sem við vorum í hættu á að falla en fyrir sex mánuðum unnum við bikar. Fyrir það voru það undanúrslit Evrópudeildarinnar,“ sagði Moyes.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 37 | 23 | 9 | 5 | 76 | 33 | +43 | 78 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 37 | 13 | 17 | 7 | 57 | 53 | +4 | 56 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Chelsea | 37 | 14 | 10 | 13 | 57 | 50 | +7 | 52 |
| 9 | Brentford | 37 | 14 | 10 | 13 | 54 | 51 | +3 | 52 |
| 10 | Sunderland | 37 | 13 | 12 | 12 | 40 | 47 | -7 | 51 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 37 | 9 | 11 | 17 | 47 | 57 | -10 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
