Breiðablik og HK mættust í ótrúlegum fótboltaleik á Kópavogsvelli í gærkvöldi í fyrstu umferð Bestu deildarinnar þetta sumarið.
Lestu um leikinn: Breiðablik 3 - 4 HK
Blikar eru ríkjandi Íslandsmeistarar og HK er nýliði í efstu deild.
Nýliðarnir voru komnir tveimur mörkum yfir eftir sjö mínútna leik en Blikar komu til baka og náðu forystunni á fjögurra mínútna kafla seint í síðari hálfleik.
HK jafnaði metin með sjálfsmarki frá Höskuldi Gunnlaugssyni fyrirliða Blika. Hinn ungi Tumi Þorvarsson kom inn á í liði HK undir lok leiksins og tæklaði Eyþór Wöhler á miðjum vellinum sem varð til þess að liðið komst í hraða skyndisókn sem Atli Þór Jónasson batt endahnútinn á með skoti fyrir utan teig og boltinn hafnaði í netinu.
Besta Deildin deildi tölfræði úr leiknum á Twitter í dag en þar sést að Blikar voru með mikil völd á vellinum og voru með fjórum sinnum hærra xG en HK. Græna liðið var mun meira með boltann og átti fleiri tilraunir í átt að marki.
Skýrslan@BreidablikFC - @hkkopavogur pic.twitter.com/qNZ9IGrrhl
— Besta deildin (@bestadeildin) April 11, 2023
