Leikjaálag Manchester United gerir það að verkum að Ole Gunnar Solskjær gerir tíu breytingar á byrjunarliðinu frá síðasta leik. United mætir Leicester núna klukkan 17.
Smelltu hér til að sjá byrjunarliðin
Smelltu hér til að sjá byrjunarliðin
Meðal leikmanna sem fær tækifærið er Anthony Elanga en hann er í byrjunarliðinu.
Aldur: 19
Fæddur: 27. apríl 2002
Staða: Vinstri vængmaður
Fæðingarstaður: Malmö í Svíþjóð
Sterkari fótur: Hægri
Númer: 56
Þessi sænski sóknarleikmaður var á varamannabekknum gegn Granada í 8-liða úrslitum Evrópudeildarinnar og einnig í leiknum gegn Roma á Ítalíu þar sem United tryggði sér sæti í úrslitaleiknum.
„Hann hefur heillað þegar hann hefur verið að æfa með okkur. Hann var óheppinn fyrir nokkrum mánuðum þegar hann meiddist og hann hefur lagt mikið á sig til að koma til baka. Þetta er leikmaður sem er með ákveðinn X-faktor, hann er með ákveðni, hraða og gæði sem ég er hrifinn af," segir Solskjær
„Hann er vængmaður sem getur skorað, honum finnst gaman að leika á andstæðinga og er með gott hugarfar. Hann er með hungur í að bæta sig."
Faðir hans Joseph Elanga var vinstri bakvörður og lék með Kamerún á HM 1998 í Frakkland.
Athugasemdir