Arnór Sigurðsson.
Landsliðsmaðurinn, Arnór Sigurðsson leikmaður CSKA Moskvu í rússnesku úrvalsdeildinni er einn af fimm leikmönnum félagsins sem eru tilnefndir sem leikmenn ársins hjá félaginu.
Arnór gekk í raðir CSKA í lok ágúst á síðasta ári frá sænska úrvalsdeildarfélaginu, IFK Norrköping. Þar hafði hann verið í um rúmlega eitt ár eftir að hann gekk í raðir sænska félagsins frá uppeldisfélagi sínu ÍA.
Með CSKA í vetur skoraði hann til að mynda bæði gegn Real Madrid og Roma í Meistaradeildinni. Hann varð yngsti Íslendingurinn til að leika í Meistaradeildinni.
Hann skoraði fimm mörk í 21 leik með rússneska liðinu á síðasta tímabili, þar af fjögur á rúmlega mánuði undir lok tímabilsins.
Arnór er í landsliðshópnum hjá Íslandi sem leikur gegn Tyrkjum í kvöld. Hann kom við sögu sem varamaður í 1-0 sigri Íslands á Albaníu á laugardaginn og það verður fróðlegt að sjá hvort hann fái tækifæri á Laugardalsvellinum í kvöld.
На официальном сайте стартовало голосование за лучшего игрока #ЦСКА в сезоне-2018/19. На это звание претендуют пятеро футболистов, которые чаще одного раза входили в тройку лучших по итогам месяца
— ПФК ЦСКА Москва (@pfc_cska) June 11, 2019
📊 Проголосовать можно по ссылке: https://t.co/k0rLqNxoO9 pic.twitter.com/eWkL9eUERD
Athugasemdir
