BIrnir Snær Ingason er í litlu hlutverki hjá sænska félaginu Halmstad, hefur einungis spilað tæpar 200 mínútur á tímabilinu; komið við sögu í fimm deildarleikjum.
Í síðustu fimm leikjum hefur Birnir verið utan hóps og var leikinn þar á undan ónotaður varamaður.
Í síðustu fimm leikjum hefur Birnir verið utan hóps og var leikinn þar á undan ónotaður varamaður.
Samkvæmt heimildum Fótbolta.net eru talsverðar líkur á að hann færi sig um set í glugganum, en ólíklegt þykir að hann komi heim til Íslands. Hann hefur verið orðaður við heimkomu. Hans gamla félag, Víkingur, hefur verið nefnt í því samhengi. Þá sagði Orri Rafn Sigurðarson frá því á dögunum að Stjarnan hefði einnig augastað á Birni og það hafi heyrst af áhuga erlendra félaga, t.d. frá Grikklandi.
„Við skoðum það auðvitað, við vitum ekki hvað Birnir vill gera með sig, hann á nóg eftir af samningi, við verðum bara að sjá til hvað hann ákveður að gera strákurinn. Þetta yrði alltaf hans ákvörðun og hvort að Halmstad vilji sleppa honum, hann er á samningi," sagði Kári Árnason, yfirmaður fótboltamála hjá Víkingi, við Fótbolta.net fyrr í þessari viku.
Birnir er 28 ára vinstri kantmaður, hann á eitt og hálft ár eftir af samningi sínum við Halmstad.
Víkingur eru klárir að festa kaup á Birni Snæ Ingasyni vilji hann koma aftur til Íslands. Stjarnan hefur bæst í hóp íslenskra liða sem vilja fá kantmanninn.
— Orri Rafn Sigurdarson (@OrriRafn) July 9, 2025
Fleiri erlend félög hafa sýnt áhuga, og þar á meðal eru félög frá Grikklandi. https://t.co/HrAvn13OlW pic.twitter.com/8IGU4LlOhj
Athugasemdir
