„Var þetta ekki bara týpískur haustleikur í Eyjum? Vindurinn hafði mikil áhrif og við byrjuðum ágætlega, náðum að halda boltanum niðri en svo fóru þeir að nýta sér vindinn og læstu okkur aðeins inni. Svo bara var seinni hálfleikurinn barátta," sagði Guðmundur Magnússon, leikmaður Fram eftir 2-2 jafntefli gegn ÍBV í Eyjum.
Gummi taldi úrslitin vera sanngjörn og var sáttur með stigið.
„Já er það ekki bara. Þú veist, auðvitað viljum við koma hérna og ná í þrjú stig í baráttunni sem við erum í. En ég held að in the end þá eru bara allir sáttir með stigið."
Lestu um leikinn: ÍBV 2 - 2 Fram
Gummi skoraði bæði mörk Fram í dag og í fyrri leik liðanna setti hann þrennu.
,,Já, ég get sagt það sko," sagði Gummi þegar hann var spurður hvort hann elski að skora á móti ÍBV.
Annað mark Gumma var af dýrari gerðinni, fast skot upp í samskeytin af löngu færi.
„Ég fæ bara boltann þarna á miðjum þeirra helming, næ að snúa mann af mér og svo hugsa ég að nýta bara vindinn og gá hvað gerðist og hann flaut svona helvíti vel í samskeytin," sagði Gummi þegar hann lýsti markinu.
Fram komst tvisvar yfir í leiknum en náðu þó ekki að landa sigrinum í dag.
„Já þetta er svolítið svona sagan okkar í sumar. Við erum að komast yfir en náum einhvern veginn ekki að halda því. En að koma hérna á þennan völl, þú veist þeir gefast aldrei upp og bara flott hjá þeim að koma til baka en svekkjandi."
Fram mætir Keflavík í lokaumferð deildarinnar áður en tvískipt úrslitakeppni tekur við. Fram getur enn náð sæti í efri hlutanum en það þarf ýmislegt að ganga upp þeim í hag.
„Mér finnst við skulda frammistöðu frá fyrri leiknum á móti Keflavík, okkar heimavöllur og við erum alltaf sterkir þar. Við eigum ekkert að láta þetta fara í hausinn á okkur að við séum að missa af einhverju sæti eða eitthvað svoleiðis. Við eigum bara að halda áfram og vinna þann leik og sjá hverju það skilar," sagði Gummi að lokum.