Tveir hjá ítalska B-deildarfélaginu Brescia eru smitaðir af Covid-19 en félagið greinir frá þessu í tilkynningu.
Félagið sagði frá því í gærkvöldi að tvö smit hefðu komið upp hjá klúbbnum en þar kemur fram að einn leikmaður og einn úr þjálfaraliðinu smituðust af veirunni.
Brescia spilar í B-deildinni á Ítalíu eftir að hafa fallið úr úrvalsdeildinni á síðustu leiktíð.
Aðilarnir hafa báðir verið sendir í einangrun en tveir Íslendingar eru á mála hjá félaginu.
Birkir Bjarnason hefur spilað með liðinu síðasta árið og þá gekk Hólmbert Aron Friðjónsson í raðir félagsins á dögunum.
Athugasemdir
