„Mjög spenntar, það er orðinn svolítill tími síðan við spiluðum síðasta leik þannig að það er bara frábært að spila á móti þeim. Alltaf gaman að spila á móti nýjum andstæðingum. Ég er líka bara spennt að sjá hvernig þær eru, því maður áttar sig ekki alveg hversu sterk danska deildin er, þannig að já mjög spennt." Sagði Agla María Albertsdóttir, fyrirliði Breiðabliks, við Fótbolta.net í aðdraganda einvígisins gegn danska liðinu Fortuna Hjørring í Evrópubikarnum.
Fyrri leikurinn fer fram á Kópavogsvelli annað kvöld kl. 18:00 og seinni leikurinn verður svo spilaður í Danmörku viku seinna.
Besta deildin kláraðist fyrir tæpum mánuði hvernig hefur verið að halda fókus?
„Við fengum svona aðeins tíma eftir. Ég fór út í landsliðsverkefni og stelpurnar fengu einhvern smá tíma svona aðeins eftir tímabil til að slaka á og hlaða batteríin en svo er þetta bara fljótt að líða og stutt í næsta leik þannig. Við vitum líka að það bíður okkur gott jólafrí eftir þetta."
„Það voru leikir á móti strákunum, eitthvað svoleiðis en það er bara fínt, það er alveg nóg."
„Þær halda mikið í boltann eru góðar í skyndisóknum þannig við erum ekki mikið að fara bregða útaf okkar hefðbundna leik. Bara halda vel í boltann og náttúrlega spilum þetta tígulkerfi, miklar opnanir upp í svæðin á köntunum, þannig við erum alveg með nokkrar leiðir sem við getum farið á móti þeim."
„Ég held að það sé bara svipað og á móti, nú man ég ekki einu sinni hvað það heitir, síðasta liðið sem við spiluðum á móti, hérna frá Serbíu., en að byrja þetta mjög vel, helst að ná inn marki snemma. Það sýnir sig bara að það skiptir máli að ná í góð úrslit á heimavelli eins og við gerðum seinast. Þannig já við byrjum þetta bara af krafti, pressa þær vel og vonast til þess að komast yfir snemma.
„Klárlega stemning, við erum náttúrulega að spila þennan leik, fyrst íslenskra liða í þessari nýju keppni. Klárlega við höfum tækifæri til þess að skrifa söguna hjá Breiðabliki og koma okkur áfram."
