Holland: AZ að missa af Meistaradeildarsæti

Albert lék fyrstu 88 mínúturnar í liði gestanna sem var líklegra liðið til að skora í dag en tókst ekki að koma boltanum í netið.

Sergio Padt, markvörður Groningen, varði mjög vel frá Calvin Stengs á lokamínútu venjulegs leiktíma og þá átti Teun Koopmeiners skot í stöng snemma leiks.

Á sama tíma vann PSV lið Zwolle á heimavelli, 4-2. Það þýðir að PSV er með þriggja stiga forskot á AZ fyrir lokaumferðina í baráttunni um annað sætið í deildinnni. PSV þarf að tapa og helst stórt gegn Utrecht í lokaumferðinni og á sama tíma þarf AZ að vinna Heracles.

Ajax er löngu öruggt með meistaratitilinn og vann liðið Venlo, 3-1, á heimvelli í dag. Endi AZ í 3. sætið fer liðið í Evrópudeildina á næstu leiktíð.