Diogo Jota.
Jota var 28 ára og hafði verið hjá Liverpool í fimm ár.
Þau hörmulegu tíðindi bárust í gær að Diogo Jota, sem lék með Liverpool og portúgalska landsliðinu, hefði látið lífið í bílslysi á Spáni. Hann var bara 28 ára gamall.
Þetta eru fréttir sem slógu marga enda var Jota á hátindi fótboltaferils síns og nýbúinn að gifta sig. Hann lætur eftir sig þrjú ung börn.
Þetta eru fréttir sem slógu marga enda var Jota á hátindi fótboltaferils síns og nýbúinn að gifta sig. Hann lætur eftir sig þrjú ung börn.
Fótboltaheimurinn allur syrgir Jota sem var elskaður og dáður af liðsfélögum sínum, sem og af stuðningsmönnum Liverpool.
Katla Tryggvadóttir, leikmaður kvennalandsliðsins, er stuðningsmaður Liverpool en stelpurnar í landsliðinu fréttu af þessu á leiðinni á æfingu í gær.
„Við sáum þetta í rútunni á leiðinni á æfingu og það var þungt andrúmsloftið. Þetta er auðvitað bara hræðilegt og minnir mann á það hvað lífið er stutt. Maður verður að njóta á meðan maður er hérna," sagði Katla við Fótbolta.net í dag en lífið er auðvitað miklu meira en bara fótbolti.
Jota var 28 ára og hafði verið hjá Liverpool í fimm ár. Hrafn Kristjánsson, körfuboltaþjálfari, orðaði þetta kannski best á samfélagsmiðlinum X í gær.
„Einhverjum finnst sjálfsagt skrítið eða asnalegt að svona atburðir hafi töluverð áhrif á fólk "sem þekkir hann ekkert" og býr í órafjarlægð. Staðreyndin er samt sú að einstaklingar sem eiga hluta í minningum sem sköpuðu gleðitilfinningar eiga alltaf einhvern stað í manni," sagði Hrafn.
Einhverjum finnst sjálfsagt skrítið eða asnalegt að svona atburðir hafi töluverð áhrif á fólk "sem þekkir hann ekkert" og býr í órafjarlægð.
— Hrafn Kristjánsson (@ravenk72) July 3, 2025
Staðreyndin er samt sú að einstaklingar sem eiga hluta í minningum sem sköpuðu gleðitilfinningar eiga alltaf einhvern stað í manni. https://t.co/OrOMkVOmwc
Athugasemdir
